काठमाडाैंः नेपाल फर्कनैपर्ने अवस्थामा रहेका नेपालीहरुलाई चार्टर्ड फ्लाइट मार्फत नेपाल फर्काउनेक्रम जारी रहेको युएईस्थित नेपाली राजदूतावासले जनाएको छ ।
युएइका लागि नेपाली राजदूत कृष्णप्रसाद ढकालका अनुसार असार ७ गते तीन वटा उडान मार्फत झण्डै ६०० नेपाली नागरिक स्वदेश फर्कदै हुनुहुन्छ ।
आइतबार बिहान ४.२० मा १५१ जना यात्रु बोकेर हिमालयन एयरलाइन्सको एउटा जहाज काठमाडौंका लागि प्रस्थान गरिसकेको छ भने फ्लाई दुबई र नेपाल एयरलाइन्सका चार्टर्ड फ्लाइटहरु बिहान ८ र ११.१० बजे युएईबाट प्रस्थान गरेका छन् ।
यसअघि असार ६ गते शनिबार एयर अरेबिया र असार ५ गते नेपाल एयरलाइन्सको यस्तै उडान मार्फत ३०० भन्दा बढी नेपाली स्वदेश फर्किसकेको दूतावासले जनाएको छ ।
नेपाल सरकारले तोकेको प्राथमिकता अनुरुप गर्भवती, बिरामी, नेपालमा आफन्त गुमेका, युएईमा रोजगारी गुमेका आदि नेपालीहरु स्वदेश फर्कनु भएको छ ।
आगामी असार ८, ९, १० र ११ गते पनि विभिन्न एयरलाइन्सका चार्टर्ड फ्लाइटबाट नेपालीहरुको फिर्तीलाई निरन्तरता दिइने दूतावासको भनाई छ ।
