काठमाडौँ । राप्रपा महामन्त्री डा. धवलशम्शेर राणासँग ३ लाख रुपैयाँ धरौटी माग गरिएको छ ।
राणाको थुनछेक बहसपिछ काठमाडौं जिल्ला अदालतका न्यायाधीश शिवप्रसाद खनालले सो आदेश गरेका हुन् ।
जिल्ला अदालत काठमाडौंमा सोमबार भएको थुनछेक बहसपछि धरौटी माग गरिएको हो ।
गत चैत १५ गते पक्राउ परेका राणा उमेर र स्वास्थ्यका कारण हाजिरी जमानीमा छुटेका थिए । आज उनी बयानका लागि उपस्थित भएका थिए ।
राणाको बयानपछि बहस भएको थियो । उनको तर्फबाट डा. भीमार्जुन आचार्य, शतिशकृष्ण खरेल, गोविन्द बन्दी, बिष्णु भट्टराई, राजु बस्नेत लगायतले बहस गरे । यस्तै सरकारी पक्षबाट ४ जना वकिलहरुले बहस गरेका थिए ।
