काठमाडौँ । तिनकुने घटनामा ज्यान गुमाएका पत्रकार सुरेश रजकका दाई रमेश रजकले सरकारसमक्ष प्रस्तुत गरेका माग पूरा नभएसम्म कुनै पनि प्रक्रिया अघि नबढाउने बताएका छन् ।
आफ्नो भाईको मृत शरीर टिचिङ अस्पतालमा रहेको र पोस्टमार्टम अझै नभएको जानकारी गराउँदै आफ्ना मागहरु सम्बोधन नभएसम्म प्रक्रिया अगाडि नबढ्ने बताएका हुन् ।
उनले सामाजिक सञ्जालमा लेखेका छन् – नमस्कार सबै जनालाई !
म रमेश रजक, तिनकुने घटना मा मृत्यु भएको सुरेश रजक को दाई । मेरो भाईको शव अहिले टिचिङ अस्पतालमा रहेको र पोस्टमार्टम अझै नभएको सबै माझ जानकारी गराउन चाहन्छु ।
सरकार समक्ष प्रस्तुत गरेका माग पूरा नभएसम्म कुनै पनि प्रतिक्रिया अघि बढाउने छैनौं । धन्यवाद ।
शुक्रबार राजावादीको प्रदर्शनका क्रममा सुरेशले ज्यान गुमाएका थिए । तिनकुनेस्थित एक भवनमा क्यामेरामा प्रदर्शनको भिडियो–तस्बिर खिचिरहेका उनको आगजनीमा परी जलेर दुखद निधन भएको थियो ।
