काठमाडौं । अमेरिकी राष्ट्रपति डोनल्ड ट्रम्पका भाइ रोबर्ट ट्रम्पको निधन भएको खबर छ । ७१ वर्षका रोबर्ट राष्ट्रपति डोनल्ड ट्रम्पका कान्छा भाइ हुन् । रोबर्टको न्यूयोर्कस्थित अस्पतालमा उपचार भइरहेकोमा शनिबार निधन भएको डोनल्ड ट्रम्पले एक विज्ञप्ति जारी गर्दै जानकारी दिएका हुन् ।
आफ्ना भाईलाई राष्ट्रपति ट्रम्पले न्यूयोर्क सिटी अस्पतालमा पुगेर शुक्रबार भेटेका थिए । तर शनिबार निधन भएको खबर आएको छ । उनको मृत्युको कारण भने नखुलाइएको अमेरिकी सञ्चारले जनाएका छन् ।
आफ्नो भाइको निधनको खबर पछि राष्ट्रपति टम्पले भनेका छन्( मेरो भाइ रोबर्टको निधन भएको खबरले मलाई निकै दुःखी बनाएको छ । यो खबर मैले मेरो निकै नै दुखी मनसहित सुनाउँदैछु( ट्रम्पले एक विज्ञप्ति जारी गर्दै भनेका छन् । । ‘उनी मेरा भाइमात्रै थिएनन्, उनी मेरा मिल्ने साथी थिए, उसलाई म असाध्यै मिस गर्नेछु तर हाम्रो पछि पुनः भेट हुनेछ । उनको स्मरण मेरो मुटुमा सदाका लागि रहिरहनेछ । रोबर्ट म तिमीलाई माया गर्छु ।’
भाइ रोबर्टको अन्तिम संस्कारमा राष्ट्रपति टम्प पनि नसरिक हुने अनुमान गरिएको छ । तर यस विषयमा अमेरिकी मिडियाले भने केही बताएका छैनन् ।
