काठमाडौं । नेकपा एमालेमा प्रवेश गरेका स्थानीय तहका आफ्ना जनप्रतिनिधिलाई निर्वाचन आयोगले पदमुक्त गरेपछि पुनर्वहाली गर्ने सर्वोच्चको अन्तरिम आदेश खारेज गर्ने माग गर्दै नेकपा माओवादी केन्द्रका अध्यक्ष पुष्पकमल दाहाल प्रचण्ड सर्वोच्च अदालत पुगेका छन् ।
सर्वोच्चले अन्तरिम आदेशमार्फत कामकाज गर्न नरोक्नु भनेपछि त्यस्तो आदेश खारेजीको माग गर्दै अध्यक्ष प्रचण्डले गत असारमा रिट दायर गरेका थिए । सो रिटमाथि अहिले पूर्ण इजलासमा सुनुवाइ हुँदैछ ।
न्यायाधीशहरू दीपककुमार कार्की, ईश्वरप्रसाद खतिवडा र कुमार रेग्मीको पूर्णइजलासमा उहाँको रिटमाथि सुनुवाइहुँदैछ । गत साउन ७ गते नै प्रचण्डले रिट लिएर अदालत गए पनि दुईपटक साप्ताहिक पेसी सूचीबाट हटेको थियो ।
