ललितपुरः रातो मत्स्येन्द्रनाथको रथयात्रालाई लिएर पुल्चोक क्षेत्रमा दिनभर तनाव भएपछि जिल्ला प्रशासन कार्यालय, ललितपुरले चक्रपथ क्षेत्रभित्र कर्फ्यू आदेश जारी गरेको छ ।
प्रशासनले भोलि बिहान ४ बजेदेखि राति १० बजेसम्म कर्फ्यू आदेश जारी गरेको हाे ।
खलः पुचःले रथ नतान्ने
यसैबीच, रातो मच्छिन्द्रनाथको रथ गुठी संस्थान र १९ जातीय प्रतिनिधित्वको खलःपुचले निर्णय नगर्दासम्म नतानिने भएको छ।
बिहीबार दिउँसो रथ तान्ने क्रममा स्थानीय र प्रहरीबीच झडप भएपछि संस्थान र खलःपुचले बैठक आह्वान गरी निर्णय गर्ने भएका हुन्।
कोरोना संक्रमणका कारण लामो समयदेखि रोकिएको रथजात्रा सुरु नभएपछि केन्द्रीय गुठी संस्थान र ललितपुर महानगरभित्रका नेवार समुदायका १९ जातीय प्रतिनिधित्व रहेको खलःपुचको बैठक बसेको छ।
ज्यापु समाजका युवा तथा श्रम विभाग प्रमुख किरण डंगोलले गुठी संस्थान र ललितपुर महानगरभित्रका १९ जतीय खलःपुचको बैठक बसिरहेको र सोको निर्णय अनुसार नै रथ जात्रा तानिने बताए।
