काठमाडौ । महिला, बालबालिका तथा ज्येष्ठ नागरिक मन्त्री पार्वत गुरुङले मानव बेचबिखन तथा ओसार पसार मुक्त समाज निर्माणमा योगदान पु¥याउन सबैलाई आह्वान गर्नु भएको छ । मन्त्री गुरुङले मानव बेचबिखन तथा ओसारपसार जस्तो जघन्य अपराधको घटना बढदै गएकोमा चिन्ता व्यक्त गर्दै त्यसको अन्त्य गर्ने सरकारको अभियानमा साथ दिन सबै राजनीतिकदलहरु लाई पनि आग्रह गर्नु भयो ।
‘मानव बेचबिखन तथा ओसारपसार विरुद्धको १४ औं राष्ट्रिय दिवस’को अवसर पारेर शनिबार काठमाडौंमा आयोजित ‘भर्चुअल’ बैठकमा बोल्दै उहाँले राजनीतिकदल, सबै तहका जनप्रतिनिधिहरुले मानव बेचबिखन हुन नदिन आ–आफ्नो ठाउँबाट योगदान दिनुपर्ने पनि स्पष्ट पार्नु भयो । मन्त्री गुरुङले मानव बेचबिखन लगायतका जघन्य अपराधको घटना हुन नदिने अभियानमा संलग्न सामाजिक अभियन्ता हरुलाई ‘राष्ट्रिय परिचयपत्र’बनाएर सम्मानगर्ने योजना पनि अघि सार्नु भयो ।
त्यसका लागि आवश्यक नीतिगत निर्णय तत्काल गर्ने उहाँको योजना छ । ‘समाज रुपान्तरणको अभियानमा लाग्ने, मानव बेचबिखन तथा ओसारपसार नियन्त्रणमा उल्लेख्य योगदान पु¥याउने हरुलाई राज्यले सम्मान गर्नेछ,’मन्त्री गुरुङले भन्नुभयो,‘त्यसका लागि आवश्यक नीतिगत निर्णय तत्कालगरिनेछ ।’ मन्त्री गुरुङले सभ्य, सुसस्कृत समाज निर्माणका लागि पनि मानव बेचबिखन तथा ओसारपसार जस्ता घटना हुन नदिन सरकारले प्रदेश र स्थानीय सरकारसँग समन्वय गरेर कामगर्ने प्रतिवद्धता पनि व्यक्तगर्नु भयो । उहाँले उत्पादन र उद्यमशीलताको माध्यामबाट आर्थिक रुपमा सबल बनाई मानव बेचबिखन अन्त्यगर्ने गरी सरकारले सबै स्थानीय तहमा आवश्यक कार्यक्रम अघि बढाउने पनि बताउनु भयो ।
कार्यक्रममाबोल्दै प्रमुखप्रतिपक्षदल नेपालीकाँग्रेसकी नेतृ पुष्पा भुसालले गरिवी र अशिक्षाका कारण मानव बेचबिखन चुनौतिको रुपमा देखिएको उल्लेख गर्दै ती समस्या समाधानकालागि आवश्यक सबै खालको व्यवस्था गरेर अघि बढ्न सरकारको ध्यानाकर्षण गराउनु भयो । सत्तारुढ नेकपाका सांसद शेरबहादुर तामाङले मानव बेचबिखन जस्ता अपराधिक घटना हुन नदिन ठोस योजनाका साथअघि बढन सरकारलाई सुझाव दिनु भयो ।
