काठमाडौं । ‘फ्राईडे रिलिज’मा नेपाली हलमा आज देखि ‘एक्टर: टेक वन’सहित ३ फिल्म प्रदर्शनमा आएका छन् ।
हलमा प्रदीप खड्का स्टारर थ्रीलर एवं रोमान्टिक फिल्म ‘एक्टरः टेक वन’, बलिउडको ‘देवा’ र जापानको ‘माइ हिरो अकाडेमियाः यू आर नेक्स्ट’ सञ्चालनमा आएको हो ।
कानूनी अवरोध खेपेको फिल्म ‘एक्टर: टेक वन’ शुक्रबारदेखि दर्शकमाझ आएको हो । रनटाइम १३६ मिनेट र सर्टिफिकेट पीजी रहेको फिल्म राजन भुसाल निर्देशन गरेका हुन् । फिल्ममा प्रदीप सहित आना शर्मा, राजवल्लभ कोइराला, दिब्या रायमाझी लगायतको अभिनय छ ।
शाहिद कपुर, पूजा हेग्डे स्टारर बलिउड एक्सन थ्रीलर ‘देवा’ र जापानी भाषाको ‘एक्सन एड्भेन्चर’ एनिमेटेड फिल्म ‘माइ हिरो अकाडेमियाः यू आर नेक्स्ट’ पनि रिलिज भएको छ ।
