काठमाडौँ । खोटाङबाट काठमाडौं आउँदै गरेको सुमो ओखलढुङ्गाको मानेभञ्ज्याङ गाउँपालिका वडा नम्बर–७ मा दुर्घटना भएको छ ।
दिक्तेलबाट बिरामी बोकेर काठमाडौँ आउँदै गरेको ना १ ज ६४२१ नम्बरको सुमो दुर्घटना हुँदा ३ जनाको मृत्यु भएको प्रहरीले जनाएको छ ।
दुर्घटनामा एकै परिवारको तीन जनाको मृत्यु भएको प्रहरीले जनाएको छ । मृत्यु हुनेमा खोटाङ केपिलागढी गाउँपालिका–३ का ५६ वर्षीया मायादेवी गुरुङ, उनको छोरा २८ वर्षीय पुजन गुरुङ र बहिनी दिक्तेल रुपाकोट मझुवागढी नगरपालिका–१२ की ४५ वर्षीया तारा गुरुङ रहेका छन् ।
आगोले पोलेर गम्भीर घाइते भएकी मायादेवीलाई उपचारका लागि छोरा र बहिनीले काठमाडौँ लिएर हिँडेका थिए। सुमो चालक २२ वर्षीय अनिल पण्डित भने फरार भएका छन् ।
