काठमाडौँ । काठमाडौँ जिल्ला अदालतमा रास्वपाका सभापति रवि लामिछानेको मुद्दामा थुनछेक बहस नसकिएपछि हेर्दाहेर्दैमा राखिएको छ ।
बहस नसकिएपछि न्यायाधीश माधवप्रसाद अधिकारीले मुद्दा हेर्दाहेर्दैमा राखेका हुन् । यससँगै रवि आज पनि हिरासतमै रहने भएका छन् ।
आज सरकारी वकिलको तर्फबाट ९ जना र लामिछानेतर्फका २ जनाले बहस गरे । लामिछानेको तर्फबाट वरिष्ठ अधिवक्ता सुरेन्द्र भण्डारी र दिनेश त्रिपाठीले बहस गरे । यस्तै सरकारी वकिलको तर्फबाट न्यायाधिवक्ता खडिन्द्रराज कटुवाल, चन्द्र सञ्जेल, सन्तोष राज कटुवाल, राधिका सुवाल, विना खड्कासहित ९ जनाले बहस गरेपनि सबैको बहस नसकिएकाले मुद्दा हेर्दाहेर्दैमा राखिएको हो ।
अब रवि आज र भोलि हिरासतमै रहनेछन् । भोलि सरकारी बिदा रहेका कारण अदालत नखुल्ने भएकाले बुधबारमात्रै थुनछेकको बाँकी बहस हुनेछ ।
