काठमाडौँ । ऊर्जा, जलस्रोत तथा सिंचाईमन्त्री दीपक खड्काले इलेक्ट्रिकल इन्जिनियरका विद्यार्थीलाई स्थलगत अध्ययन गराउन आवश्यक रहेको बताउनुभएको छ ।
आईतवार पुल्चोक इन्जिनियरिङ क्याम्पसका भएको हाई भोल्टेज ल्यावको उद्घाटन कार्यक्रममा बोल्दै मन्त्री खड्काले यस्तो बताउनुभएको हो ।
उहाँले क्याम्पसबाट इलेक्ट्रिकल इन्जिनियरिङ गर्ने विद्यार्थीले स्थलगत रुपमा जलविद्युत आयोजनाको अध्ययन गर्दा थप प्रवभाकारी हुने बताउनु भयो । उहाँले इलेक्ट्रिकल इन्जिनियरका विद्यार्थीलाई जलविद्युत आयोजनाहरुमा लगेर अध्ययन गराउन सकिने बताउनु भयो । उहाँले जलविद्युतमा ठूलो धनराशी खर्च भइरहेको भन्दै त्यहीअनुसार जनशक्ति आवश्यक रहेको बताउनु भयो । उहाँले पछिल्लो समय जलविद्युत आयोजनामा मर्मतसम्भार गर्न जनशक्तिको अभाव देखिएको बताउनु भयो । उहाँले मुलुकलाई आवश्यक जनशक्तिहरुका लागि मुलुकभित्रै अध्ययन अध्यापन गराउन सक्नुपर्ने बताउनु भयो । उहाँले इन्जिनियर विद्यार्थीलाई स्थलगत रुपमा इन्टर्नसिप गर्न पाउने प्रक्रिया अगाडि बढाएको बताउनु भयो । स्थलगत अध्ययनउहाँले क्याम्पसमा अध्ययन गर्दा क्याम्पसमा भन्दा बढी ज्ञान हासिल गर्नसक्ने विश्वास व्यक्त गर्नुभयो ।
उहाँले भन्नुभयो,‘जलविद्युतमा ठूलो धनराशी खर्च भइरहेको छ । तर जनशक्ति कस्तो छ भन्दा जलविद्युत आयोजनामा ट्रमाइनहरु मर्मत गर्ने बेलामा जनशक्तिको असाध्यै अभाव देखियो । धेरै विद्यार्थीहरु क्याम्पसबाट निस्कँदा देश निर्माणमा लागेको जनशक्तिका रुपमा लिन्छौं । मुलुकलाई आवश्यक कुराहरुमा मुलुकभित्रै अध्ययन अध्यापन गराउन सकियो भने अरुको भर पर्नु पर्दैन । हामीलाई रोजगारी पनि सिर्जना हुन्छ । मन्त्रालयले के सोचिरहेको छ भने इन्जिनियर साथीहरुलाई स्थलगत रुपमा तालिम इन्टर्नशिप गर्न पाउने प्रक्रिया अगाडि बढाएको छ । स्थलगत रुपमा गएर अध्ययन ग¥यो भने क्याम्पसमा अध्ययन गरेको भन्दा बढी ज्ञान हासिल गर्न सक्छन् । त्यसले मुलुकलाई ठूलो सहयोग पुग्ने छ । जलविद्युतमा काम गर्ने हजारौं इन्जिनियरहरुलाई रोजगारी दिने अवस्थामा पुगेका छांै । विद्युतलाई कन्ट्रोल,चुहावट कसरी रोक्ने भन्ने नयाँ प्रविधिहरु आएका छन् । त्यसको प्रयोगबाट आन्तरिक खपत बढी भन्दा बढी गर्ने र बाँकी विद्युत विदेश निर्यात गरेर ठूलो आयआर्जन गर्न सकिन्छ ।’
उहाँले हजारौं इन्जिनियरहरुलाई रोजगारी दिने अवस्थामा मुलुक पुगेको बताउनु भयो । उहाँले विद्युत चुहावट रोक्ने नयाँ प्रविधिहरु विकास भएको बताउनु भयो ।
