काठमाडौँ । नेपाल भ्रमणमा रहेको हङकङ यू–१९ टिमलाई हराउँदै नेपालको यू–१९ टिमले तीन खेलको एक दिवसीय शृंखला क्लीन स्वीप गरेको छ ।
तेस्रो खेलमा नेपालले दिएको २६६ रनको लक्ष्य पछाएको हङकङले ५० ओभरमा ९ विकेट गुमाएर १३५ रन मात्र बनाएपछि नेपाल १३० रनले विजयी बन्यो ।
यसअघि टस जितेर पहिले ब्याटिङ रोजेको नेपाली युवा टोलीले ४९.१ ओभरमा अलआउट हुँदै २६५ रन जोड्यो ।
नेपालका लागि अभिशेख तिवारी, सन्तोष यादव, सूर्यान्शु कोइरालाले अर्धशतकीय पारी खेले । सूर्यान्शुले ६०, अभिशेखले ५६ तथा सन्तोषले ५३ रनको योगदान दिए । यस्तै, नरेन भट्टले ३६ रन जोडे ।
बलिङतर्फ हङकङका ड्यानियन म्याप, पर्थ श्रीवास्तव, शयन पुरी र प्रित मंगुकियाले दुई–दुई विकेट लिए ।
आजको खेलअघि नेपालले पहिलो खेलमा ३ विकेट र दोस्रो खेलमा २२६ रनले जित हासिल गरेको थियो ।
