काठमाडौँ । इंग्लिस प्रिमियर लिग फुटबल अन्तर्गत चेल्सीले टोटेनहममाथि रोमाञ्चक जित निकालेको छ ।
गएराति भएको खेलमा चेल्सीले टोटेनहमलाई ४–३ गोलले पराजित गरेको हो ।
खेलको पाँचौं मिनेटमा नै घरेलु टोलि टोटेनहमले डोमिनिच सोलान्कीको गोलबाट खेलमा अग्रता लिएको थियो । ११ औं मिनेटमा डेजान कुलुसेभ्सकीले गोल गर्दै टोटेनहमको अग्रता दोब्बर पारे ।
यता, १७ औं मिनेटमा जाडोन साञ्चोले गोल गर्दै चेल्सीलाई १–२ को अवस्थामा ल्याए । त्यसपछि ६१ औं मिनेटमा कोल पाल्मेरले पेनाल्टीमा गोल गर्दै चेल्सीलाई २–२ को बराबरीमा ल्याए । ७३ औं मिनेटमा एन्जो फर्नान्डेजले गोल गर्दै चेल्सीलाई ३–२ ले अघि बढाए ।
यता, ८४ औं मिनेटमा पाल्मेरले पेनाल्टीमा गोल गर्दै व्यक्तिगत दोस्रो तथा टोलिका लागि चौंथो गोल गरे । ९०+६ औं मिनेटमा सन हेउंग मिनले गोल गरेपनि टोटेनहमले खेल ४–३ ले गुमायो ।
योसँगै १५ खेलबाट ३१ अंकसहित चेल्सी अंकतालिकाको दोस्रो स्थानमा रहेको छ । टोटेनहम २० अंकका साथ ११ औं स्थानमा छ ।
