काठमाडौं । एल क्लासिको खेलमा बार्सिलोनाले जित निकालेको छ । ला लिगा अन्तरगत भर्खरै सम्पन्न खेलमा बार्सिलोनाले रियल मड्रिडलाई उसकै घरेलु मैदानमा ४-० गोलले हराएको हो ।
बार्सिलोनाको जितमा रोबर्ट लेवान्डोस्कीले दुई तथा लामिन यामल र राफिन्हाले एक-एक गोल गरे ।
३१ औं मिनेटमा किलियन एमबाप्पेले गोल गरेपनि उनको गोलले मान्यता पाएन । उनको गोललाई भिएआरले रद्द गरिदियो । उनी अफसाइड रहन पुगे ।
५४ औं मिनेटमा लेवान्डोस्कीले गोल गर्दै बार्सिलोनालाई सुरुवाती अग्रता दिलाए । उनले डिबक्सबाहिरबाट सुन्दर गोल गरे ।
त्यसको एक मिनेटपछि नै लेवान्डोस्कीले व्यक्तिगत तथा टोलिका लागि दोस्रो गोल गरे । ब्लेडले दिएको क्रस पासमा उनले हेडरमार्फत सानदार गोल गरे ।
६६ औ मिनेटमा लेवान्डोस्कीले ह्याट्रिक गर्ने अवसर खेर फाले । राफिन्हाले उपलब्ध गराएको बलमा पोस्ट खाली हुँदा उनी गोल गर्न चुके । उनको प्रहार गोलपोस्टमा दायाँतर्फ पोलमा लागेर बाहिरीयो ।
६८ औं मिनेटमा पुनः लेवान्डोस्कीले डिबक्सभित्रबाट गरेको प्रहार आकाशीन पुग्यो । उनी गोल गर्न चुके ।
७० औं मिनेटमा एमबाप्पेले प्रहार गरेको बललाई बार्साका गोलकिपर पेना सोटोरेसले विफल पारिदिए ।
७७ औं मिनेटमा यामलले गोल गर्दै बार्सिलोनालाई ३-० ले अघि बढाए । राफिन्हाले उपलब्ध गराएको पासमा उनले सुन्दर गोल गरे । १७ बर्षिय यामल एल क्लासिको इतिहासमै गोल गर्ने सबैभन्दा कान्छा खेलाडी बने ।
८४ औं मिनेटमा राफिन्हाले गोल गर्दै रियललाई ४-० ले जित दिलाए ।
जितसङ्गै बार्सिलोनाले रियलसङ्गको अङ्कदुरी बढाएको छ । शीर्षस्थानको बार्सिलोनाको ११ खेलबाट ३० अङ्क छ भने दोस्रोस्थानको रियलको २४ अङ्क छ ।
