काठमाडौँ । साफ महिला च्याम्पियनसिप २०२४ अन्तर्गत नेपाल र श्रीलंकाले प्रतिस्पर्धा गरिरहेका छन् । त्रिपुरेश्वरस्थित दशरथ रंगशालामा जारी खेलमा पहिलो हाफ सकिँदा नेपालले ४–० गोलको अग्रता लिएको छ ।
नेपालका लागि रेखा पौडेलले दुई तथा सविता राना मगर र सावित्रा भण्डारी ‘साम्बा’ले एक–एक गोल गरे । खेलको आठौं मिनेटमा सबिताले गोल गर्दै नेपाललाई सुरुवाती अग्रता दिलाएकी थिइन् ।
यस्तै, जारी साफमा पहिलो पटक खेलिरहेकी सावित्राले ११औं मिनेटमा उत्कृष्ट गोल गर्दै नेपालको अग्रता दोब्बर पारिन् ।
यस संस्करणमा पहिलो गोल गरेकी साम्बाले नेपालका लागि गोल संख्या ५४ पुर्याइन् ।
त्यसको दुई मिनेटपटि नै अर्थात् १३ औं मिनेटमा रेखाले गोल गर्दै नेपालको अग्रता ३–० बनाइन् । यस्तै, रेखाले नै ३६औं मिनेटमा व्यक्तिगत दोस्रो गोल गरेपछि नेपालले पहिलो हाफमा ४–० को अग्रता बनाउँदै फराकिलो जिततर्फ अघि बढेको छ ।
