काठमाडौं । च्याम्पियन्स लिग फुटबलमा ईंग्लिश क्लब आर्सनलले जित निकालेको छ ।
गएराती भएको खेलमा आर्सनलले युक्रेनी क्लब शाख्तार डोनेट्स्कलाई १-० गोलले हराएको हो ।
घरेलु टोलि आर्सनलको जितमा एकमात्र गोल खेलको २९ औं मिनेटमा भएको थियो ।
आर्सनलका गाब्रीयल मार्टिनेलीको सशक्त प्रहार गोलपोस्टमा लागेर फर्कीएर शाख्तारका गोलकिपर दिमित्रो रिज्नीकलाई लाग्दै गोलमा परिणत भएको थियो ।
जितपछि आर्सनलले ३ खेलबाट ७ अङ्क जोडेको छ भने शाख्तारको १ अङ्कमात्रै छ ।
