काठमाडौं । च्याम्पियन्स लिग फुटबलमा स्पेनी क्लब रियल मड्रिडले सानदार जित निकालेको छ ।
गएराती भएको खेलमा रियलले जर्मन क्लब बोरुसिया डर्टमण्डलाई ५-२ गोलले हराएको हो ।
घरेलु मैदानमा २-० गोलले पछि परेको रियलले पुनरागमन गर्दै जित निकाल्न सफल भयो । उसका लागि भिनिसियस जुनियरले ह्याट्रिक गरे ।
खेलको खेलको ३० औं मिनेटमा डोनिल मालेनले तथा ३४ औं मिनेटमा जेमि गिटेन्सले गोल गर्दै डर्टमण्डलाई २-० को अग्रता दिलाएका थिए ।
तर, दोस्रो हाफमा रियल खेलमा फर्कियो । ६० औं मिनेटमा एन्टोनी रुडिगरले गोल गरे भने ६२, ८६ र ९०+३ मिनेटमा गोल गर्दै भिनिसियसले ह्याट्रिक पुरा गरे ।
८३ औं मिनेटमा लुकास भाजक्वेजले गोल गरे । रियल र डर्टमण्ड दुबैको ३ खेलबाट ६ अङ्क छ ।
