काठमाडौँ । विश्वकप छनोट अन्तर्गत अजेन्टिनाले सानदार जित निकालेको छ । भर्खरै सम्पन्न खेलमा अर्जेन्टिनाले बोलिभियालाई ६-० गोलले हराएको हो ।
अर्जेन्टिनालाई फराकिलो जित दिलाउन लियोनल मेसीले ह्याट्रिक गरे । यस्तै, लौटारो मार्टिनेज, युलियन अल्भारेज र थियागो अल्माडाले एक एक गोल गरे ।
खेलको १९ औं मिनेटमा मेसीले गोल गर्दै अर्जेन्टिनालाई सुरुवाती अग्रता दिलाएका थिए । ४३ औं मिनेटमा मार्टिनेजले गोल गर्दै अर्जेन्टिनाको अग्रता दोब्बर पारे ।
यस्तै पहिलो हाफको इन्जुरी समयमा अल्भारेजले गोल गर्दा अजेन्टिना ३-० गोलले अगाडि रह्यो । त्यस्तै, दोस्रो हाफमा अर्जेन्टिनाले ३ गोल थप्यो । ६९ औं मिनेटमा अल्माडाले गोल गरे भने ८४ औं र ८६ औं मिनेटमा मेसीले गोल गर्दै ह्याट्रिक पूरा गरे ।
जितसँगै १० खेलबाट २२ अंकसहित अर्जेन्टिना तालिकाको शीर्षस्थानमा छ । बोलिभिया १२ अंकसहित सातौं स्थानमा छ ।
