एजेन्सी । पाकिस्तानी क्रिकेट टोलीका कप्तान बाबर आजमले कप्तानीबाट राजीनामा दिने घोषणा गरेका छन् ।
बाबरले मंगलबार राति सामाजिक सञ्जाल एक्समार्फत यसबारे जानकारी गराएका हुन् ।
२९ वर्षीय बाबरले लेखेका छन्, ‘टिमको कप्तान हुनु मेरो लागि गर्वको कुरा थियो, तर यसले बोझ बढाएको थियो । म आफ्नो खेलमा पूर्ण ध्यान केन्द्रित गर्न चाहन्छु ।’
पाकिस्तान क्रिकेट बोर्डले यस वर्ष बाबरलाई फेरि कप्तान बनाएको थियो, यद्यपि उनको कप्तानीमा धेरै पटक प्रश्न उठेको थियो ।
बाबर आजम आजकाल खराब लयमा गुज्रिरहेका छन् । सन् २०२४ को कुरा गर्दा बाबर आजमले ६ टेस्ट इनिङ्समा ११३ रन र १९ टी–२० खेलमा ६६० रन बनाएका छन् । उनले यो वर्ष कुनै एकदिवसीय खेलेका छैनन् ।
