एजेन्सी । कानपुर टेस्टमा भारतले बंगलादेशलाई ७ विकेटले पराजित गरेको छ । योसँगै टीम इन्डियाले सिरिज २–० ले क्लीन स्वीप गरेको छ ।
वर्षाले प्रभावित खेलको अन्तिम दिन मंगलबार भारतलाई ९५ रनको लक्ष्य दिएको थियो, जुन भारतीय ब्याट्सम्यानले १७.२ ओभरमा पुरा गरेका थिए ।
यशस्वी जैसवालले ५१ रन बनाए । कोहली २९ रनमा अविजित रहे । विकेटकिपर ऋषभ पन्तले चौका प्रहार गर्दै टोलीलाई जित दिलाए ।
जैसवाल प्लेयर अफ द म्याच र अश्विन प्लेयर अफ द सिरिज घोषित भए ।
लञ्चअघि भारतले दोस्रो इनिङ्समा बंगलादेशलाई १४६ रनमा अलआउट गरेको थियो । दिनको सुरुवात बंगलादेशले २६र२ को स्कोरबाट गरेको थियो । सोमबार भारतले ३४.४ ओभरमा ९ विकेट गुमाएर २८५ रन बनाएर पहिलो इनिङ्स घोषणा गरेको थियो ।
भारतले पहिलो इनिङ्समा बंगलादेशलाई २३३ रनमा अलआउट गरेको थियो । वर्षाका कारण तेस्रो र दोस्रो दिनको खेल रद्द गर्नुपरेको थियो भने पहिलो दिन ३५ ओभर मात्रै बलिङ गर्न सकिएको थियो । यस्तो अवस्थामा खेल झण्डै बराबरी भएको मानिएको थियो तर भारतीय टोलीले पछिल्लो २ दिनमा कायापलट गर्यो ।
