काठमाडौँ । कार्यवाहक प्रधानमन्त्री प्रकाशमान सिंहले चणिकलाल तामाङको साहसको प्रशंसा गर्दै सम्मान गरेका छन् ।
सोमबार शहरी विकास मन्त्रालयमा सिंहले नख्खुखोलाले बगाएका दुई जनाको उद्धार गर्ने तामाङलाई सम्मान गरेका हुन् ।
तामाङले शनिबार ललितपुर महानगरपालिका २५ सुगम टोलस्थित नख्खु खोलाले बगाएका रौतहटका ४३ वर्षीय राजु साह र उनकी छोरी ६ वर्षीया मेघनालाई उद्धार गरेका थिए ।
कार्यवाहक प्रधानमन्त्री सिंहले मानवीय भावना देखाएर नदीमा बगिरहेकाहरुको उद्धार गरेको भन्दै तामाङको साहसी कामको प्रशंसा गरे ।
