काठमाडौं । नेपाल कम्युनिष्ट पार्टीको स्थायी समिति सदस्य रधुजी पन्तले कुनै छलफल बिना हठात शैलाीबाट पार्टी एकता गर्ने दुई अध्यक्षले नेकपालाई अप्ठारो अबस्थामा पुर्योएको टिप्पणी गर्नुभएको छ ।
न्यूजपोलारसंग कुरा गर्दै नेता पन्तले गुरिल्ला शैलीमा पार्टी एकता भएपनि मुख्य नेतृत्वले त्यसलाई संस्थागत गर्न चासो नदेखाएको टिप्पणी गर्नुभयो । दुई नेता केपी ओली र पुष्पकमल दाहालको स्वार्थ मिल्दा पार्टी एकता भएपनि नीति तथा शिद्धान्तमा एकता अघि या पछि कहिल्यै बहस नहुनु नै समस्याको जड भएको उहाँको टिप्पणी छ ।
दुई नेता तथा उहाँहरुको वरपर घुम्ने केही ब्यक्ति बाहेक अन्यलाई पार्टी भित्र के भैरहेको छ र के हुदैछ भन्ने जानकारी नै नहुने भन्दै नेता पन्तले भन्नुभयो- 'ओली र दहालले राजनीतिक ईमान्दरिता देखाउन सक्नुभएन ।' नेकपामा हाल त्रिपक्षिय शक्तिसंर्घषको अबस्था रहेको टिप्पणी गर्दै नेता पन्तले भन्नुभयो- 'प्रधानमन्त्री तथा अध्यक्ष ओली समुह, बरिष्ठ नेता माधब नेपाल समुह र पूर्ब माओबादी र त्यसभित्र पनि अध्यक्ष दाहाल समूहको टकराब र ईगोले पार्टीमा ब्यवस्थापन हुन सकेन ।'
उहाँले भन्नुभयो- 'इगो अंहकार र कार्यशैलीले पार्टीलाई मजबुत बनाउने भन्दापनि एकले अर्कालाई देखाईदिने बाटो तीर अघि बढेका छन् । नेकपा यतिबेला जमेको तलाउजस्तो अबस्था रहेको र सानो बस्तु पनि खस्ने बित्तिकै छालहरु तंरगित हुने गरेको छ । नेता पन्तले सबै समस्याको समाधान बैधानीक निकायबाट नै खोज्नुपर्ने सुझाब दिनुभयो ।
उहाले भन्नुभयो- 'कि दुबै अध्यक्षले एकले अर्कालाई लागएको आरोप फिर्ता गरेर सम्बाद गरी कमी कमजोरी समिक्षा गर्नुपर्यो नभए पार्टीका कमिटीहरुमा छलफलमा लैजानुपर्यो । यही पत्रको बिषयलाई लिएर द्धन्द्ध चर्काउने हो भने त्यो दुर्भाग्य हुन्छ ।'
माधव नेपाल निकट रहनुभएका नेता पन्तले अध्यक्ष तथा प्रधानमन्त्रीमध्ये एक पदबाट ओलीले बिश्राम लिन उपयुक्त हुने भन्दै प्रधानमन्त्री छाड्न चाहे दाहाललाई र अध्यक्ष छाड्न चाहे नेपाललाई छाड्दा उपयुक्त हुने सुझाब दिनुभयो ।
प्रधानमन्त्री तथा अध्यक्ष ओलीलाई एक्लाउन नहुने भन्दै उहाले अहिलेको पार्टी समस्यामा प्रधानमन्त्री ओलीको एक नम्बरमा र दाहालको पनि २ नम्बर दोष रहेको टिप्पणी गर्नुभयो । अध्यक्षको जिम्मेबारी लिएपनि पार्टीलाई गतिशिल बनाउन नसक्नु प्रचण्डको कमजोरी भएको भन्दै नेतृत्व आलोचनाबाट भाग्न नहुने सुझाब दिनुभयो ।
