काठमाडौँ । नेकपा एमालेका महासचिव शङ्कर पोखरेलले अर्ली इलेक्सनप्रति असहमति नरहेको जनाउनुभएको छ । महासचिव पोखरेलले पुरानो जनादेश खण्डित भएको अवस्थामा नयाँ जनादेश नेकपा (एमाले) को चाहना नै भएको उल्लेख गर्नुभएको छ ।
उहाँले भन्नुभएको छ, “तर विभिन्न वहानामा स्थानीय चुनाव समयमै नगर्ने र स्थानीय तह रिक्त बनाउँदै दुरुपयोग गर्ने पाँचदलीय गठबन्धनको कुनियतप्रति भने नेकपा (एमाले) को गम्भीर असहमति रहेको छ ।” पछिल्ला केही दिनयता माओवादी केन्द्रका अध्यक्ष पुष्पकमल दाहालले संसद्बाट सङ्कल्प प्रस्ताव पारित गर्दे वैशाखमा प्रतिनिधिसभाको निर्वाचन गर्न उपयुक्त हुने दृष्टिकोण सार्वजनिक गर्दै आउनुभएको छ ।
