काठमाडौँ । महामन्त्रीद्वयसँग प्रतिवेदनको विषयमा कुरा नमिलेपछि नेपाली कांग्रेसका सभापति शेरबहादुर देउवाले पदाधिकारी र पूर्वपदाधिकारी बैठक बोलाएका छन् ।
बिहिबार बूढानीलकण्ठमा बसेको बैठकमा महामन्त्रीद्वय गगन थापा र विश्वप्रकाश शर्मासँग सहमति नजुटेपछि सभापति देउवाले शनिबार बैठक बोलाएका एक पदाधिकारीले बताए ।
दुई महामन्त्रीको प्रतिवेदन जसरी भएपनि परिमार्जन गराउने देउवाको तयारी रहेको ती पदाधिकारीले बताए । यता, महामन्त्रीद्वयले भने तर्क सहित आफ्नो प्रतिवेदन परिमार्जन नहुने बताएका थिए ।
बिहिबार पनि कुरा नमिलेपछि सभापति देउवाले शनिबार बिहान ९ बजे पदाधिकारी र पूर्व पदाधिकारीसहित बैठक बस्ने गरी बोलाएका हुन् ।
