चितवन । भरतपुरको एक होटलमा चिनियाँ नागरिक मृत अवस्थामा भेटिएका छन् ।
भरतपुरको बर्षना होटलमा बस्दै आएका ५६ वर्षीय पियान छाङ्गसिन आज बिहान मृत अवस्थामा फेला परेका हुन् ।
असार १० गतेदेखि उक्त होटलमा बस्दै आएका छाङ्गसिन क्यान्सर पीडित थिए । उनले बीपी कोइराला क्यान्सर अस्पतालमा उपचार गराउँदै आएका थिए ।
छाङ्गसिन आईतबार बिहान करिब नौ बजेतिर होटलको कोठाभित्र मृत फेला परेका जिल्ला प्रहरी कार्यालय चितवनले जनाएको छ । उनको मृत्युको कारण खुलेको छैन । घटनाबारे प्रहरीले अनुसन्धान गरिरहेको छ ।
