काठमाडौँ । काठमाडौँ महानगरपालिकाका मेयर बालेन शाहले सहीदहरूको नाममा कार्यक्रम गरौँ भन्ने प्रस्तावलाई नेकपा एमाले र नेपाली कांग्रेसका प्रतिनिधिले असमर्थन गरेको आरोप लगाएका छन् ।
मेयर शाहले उनीहरुले बिपि कोइराला, मदन भण्डारीको नाममा करोडौँको कार्यक्रम गरौँ भनेको तर आफूले सहीदहरूको नाममा कार्यक्रम गरौं भन्दा उनीहरुले नगरसभा बैठक रोकेर गएको आरोप समेत लगाएका छन् ।
मेयर शाहले सामाजिक सञ्जाल फेसबुकमा स्टाटस लेख्दै भनेका छन् –
एमाले–काङ्ग्रेसले बिपि कोइराला, मदन भण्डारीको नाममा करोडौँको कार्यक्रम गरौँ भन्नु भयो । मैले चार स्वतन्त्र सेनानी सहीदहरू शुक्रराज शास्त्री, धर्मभक्त माथेमा, दशरथ चन्द, गङ्गालाल श्रेष्ठको नाममा गरौँ भनेँ ।
सायद काङ्ग्रेस एमालेलाई नेपालको क्रान्तीमा उहाँहरुभन्दा धेरै काङ्ग्रेस एमालेको नेताहरूको योगदान धेरै देख्नु भयो होला ।
त्यसपछी आज बस्ने नगरसभा बैठक रोकेर जानु भयो ।
