काठमाडौँ । दक्षिण अफ्रिका टी–२० विश्वकपको फाइनलमा प्रवेश गरेको छ । भर्खरै सम्पन्न खेलमा अफगानिस्तानलाई ९ विकेटले हराउँदै दक्षिण अफ्रिका पहिलोपटक फाइनलमा पुगेको हो ।
अब दक्षिण अफ्रिकाले उपाधिका लागि आज हुने इंग्ल्याण्ड र भारतबीचको विजेतासँग शनिबार खेल्नेछ ।
अफगानिस्तानले दिएको ५७ रनको सामान्य लक्ष्य दक्षिण अफ्रिकाले ८.५ ओभरमा ९ विकेटको क्षतिमा भेट्टायो । उसका लागि रिजा हेन्ड्रिक्स २९ रन तथा एडियन मार्करम २३ रनमा अविजित रहे ।
त्यसअघि टस जितेर पहिले ब्याटिङ थालेको अफगानिस्तान ११.५ ओभरमा ५६ रनमै अलआउट भयो । उसका लागि अजमुतल्लाह ओमारजाईले १० रन जोड्दा अन्य कुनैपनि ब्याट्सम्यानले दोहोरो अंकमा रन बनाउन सकेनन् ।
दक्षिण अफ्रिकाका बलरसामु अफगानिस्तान निरिह बन्यो । मार्को यानसन र तबरिज शम्सीले ३–३ विकेट लिए भने कागिसो रबाडा र एन्रिच नोर्ख्याले २–२ विकेट लिए ।
