काठमाडौँ । अष्ट्रिया युरो २०२४ को अन्तिम १६ मा प्रवेश गरेको छ । गएराति भएको खेलमा नेदरल्यान्ड्सलाई ३–२ गोलले पराजित गर्दै अष्ट्रिय नकआउट चरणमा पुगेको हो ।
खेलको छैटौं मिनेटमा अष्ट्रियाले नेदरल्यान्ड्सको आत्मघाती गोलबाट अग्रता लिएको थियो । डोनियल मालेनले आत्मघाती गोल गरेका थिए । ४७ औं मिनेटमा कोडी गाक्पोले गोल गर्दै नेदरल्यान्ड्सलाई १–१ को बराबरीमा ल्याए ।
५९ औं मिनेटमा रोमानो स्किमिडले गोल गर्दै अष्ट्रियालाई २–१ गोलले अघि बढाए । यता, ७५ औं मिनेटमा मेम्फिस डिपाएले गोल गर्दै नेदरल्यान्ड्सलाई २–२ गोलको बराबरीमा ल्याए ।
तर, ८० औं मिनेटमा मार्सेल साविट्जरले गोल गर्दै अष्ट्रियालाई ३–२ गोलले विजयी बनाए । समूह डी मा ३ खेलबाट ६ अंकसहित अष्ट्रिया शीर्षस्थानमा रह्यो । नेदरल्यान्ड्स ४ अंकसहित तेस्रो स्थानमा रहेको छ ।
नेदरल्यान्ड्सको अन्तिम १६ मा पुग्ने सम्भावना कायमै छ । यसै समूहबाट फ्रान्स उपविजेता बनेर नकआउट चरणमा प्रवेश गरेको छ । पोल्यान्ड भने बाहिरिएको छ ।
