काठमाडौँ । युरो २०२४ अन्तर्गत युक्रेनले स्लोभाकियालाई पराजित गरेको छ । शुक्रबार समूह चरणको खेलमा युक्रनेले स्लोभाकियालाई २–१ गोलले हराएको हो ।
खेलको १७ औं मिनेटमा इभान सारान्जले गोल गर्दै स्लोभाकियालाई सुरुवमती अग्रता दिलाएका थिए । तर, ५४ औं मिनेटमा मिकोला सापारेन्कोले तथा ८० औं मिनेटमा रोमान यारेमचुकले गोल गर्दै युक्रेनलाई जित दिलाए ।
योसँगै समूह इ मा युक्रेन २ खेलबाट १ जितका साथ ३ अंकसहित तालिकाको दोस्रो स्थानमा छ भने समान खेलबाट समान अंकसहित स्लोभाकिया तेस्रो स्थानमा छ ।
