एजेन्सी । टी–२० विश्वकपको सुपर–८ चरण आजदेखि सुरु हुँदैछ । जुन १८ सम्म ४० खेल भइसकेका छन् । समूह चरणमा १६ खेलाडीले समग्रमा १०० भन्दा बढी रन जोडे, तर तीमध्ये कसैले पनि शतक बनाउन सकेनन् ।
समूह चरणमा २६ अर्धशतक बनाए पनि एक खेलाडीले पनि शतक बनाउन सकेनन् । वेस्ट इन्डिजका निकोलस पूरनले अन्तिम समूह खेलमा अफगानिस्तानविरुद्ध ९८ रन बनाए, जुन अहिलेसम्मकै उच्च स्कोर हो ।
समूह चरणमा १६ खेलाडीले ५ वा सोभन्दा बढी छक्का प्रहार गरे । अमेरिकाका आरोन जोन्स र वेस्ट इन्डिजका निकोलस पूरन १३–१३ छक्कासहित शीर्ष स्थानमा रहे ।
समूह चरण निकै कम स्कोरिङ भएको थियो, जसमा ८० इनिङ्समा १८० भन्दा बढीको स्कोर मात्र ८ पटक भयो, जसमध्ये २०० भन्दा बढी स्कोर मात्र ३ पटक भयो । तेस्रो २०० प्लस स्कोर वेस्ट इन्डिजले अफगानिस्तानविरुद्ध बनाएको अन्तिम समूह खेलमा थियो । जसमा टोलीले २१८ रन बनाएको थियो, जुन अहिलेसम्मकै उच्च स्कोर हो । यो बाहेक अष्ट्रेलिया र श्रीलंकाको टिमले मात्रै २०० भन्दा बढी स्कोर बनाउन सके ।
