काठमाडौँ । टी–२० विश्वकपको १८ औं खेलमा वेस्ट इन्डिजका बलरहरूले युगान्डालाई १२ ओभरमा ३९ रनमा अलआउट गरे । योसँगै टी–२० विश्वकपको संयुक्त रूपमा सबैभन्दा सानो योगफलको कीर्तिमान युगान्डाले बराबरी गरेको छ ।
यसअघि २०१४ को विश्वकपमा श्रीलंकाविरुद्ध नेदरल्यान्ड्सले पनि ३९ रनको योगफल बनाएको थियो । नेदरल्यान्ड्सको टोली १०.३ ओभरमा ३९ रनमै अलआउट भएको थियो ।
वेस्ट इन्डिजका स्पिनर अकिल हुसेनले सर्वाधिक ५ विकेट लिए । यो खेलमा युगान्डा १३४ रनले पराजित भएको थियो । खेलमा पहिले ब्याटिङ गरेको वेस्ट इन्डिजले २० ओभरमा ५ विकेट गुमाएर १ सय ७३ रन बनाएको थियो ।
जोनसन चार्ल्सले ४२ बलमा ४ चौका र २ छक्का प्रहार गर्दै ४४ रन बनाएर टिमका लागि सबैभन्दा ठूलो पारी खेले ।
वेस्ट इन्डिजको यो दोस्रो जित हो । टोलीले पपुवा न्युगिनीविरुद्धको पहिलो खेल जितेको थियो ।
१७४ रनको ठूलो लक्ष्य पछ्याउने क्रममा युगान्डाको सुरुवात निकै खराब रह्यो । अकिल हुसेनले खाता नखोल्दै रोजर मुकासालाई प्याभिलियन पठाउँदा टोलीको पहिलो विकेट पहिलो ओभरमै झरेको थियो ।
त्यसपछि टोलीको दोस्रो विकेट दोस्रो ओभरको तेस्रो बलमा साइमन सेसाजी (४) को रूपमा खसेको थियो । त्यसपछि तेस्रो ओभरको अन्तिम बलमा अल्पेश रामाजानी (५) तेस्रो विकेटको रुपमा र चौथो ओभरको पहिलो बलमा रोबिन्सन ओबुया (६) को रूपमा युगान्डालाई चौथो झट्का लाग्यो ।
त्यसपछि टोलीले १९ रनमा रियाजत अली शाहको रूपमा पाँचौं विकेट गुमाएको थियो, जसलाई पाँचौं ओभरमा अकिल हुसेनले बोल्ड गरेका थिए ।
टोलीको विकेट झर्ने क्रम यसरी नै जारी रह्यो र सातौं ओभरको पहिलो बलमा प्याभिलियन फर्किएका दिनेश नक्रानी (शून्य) को रूपमा छैटौं विकेट गुमाए । त्यसपछि सातौं ओभरमा नै केनेथ वैसावा (१) को सातौं विकेट खसेपछि टोलीलाई आठौं झट्का कप्तान ब्रायन मसाबाको रूपमा लाग्यो । ८औं ओभरमा आउट भएका कप्तान मसाबाले मात्र १ रन बनाए ।
त्यसपछि टोलीलाई अन्तिम दुई झट्का ११ औं ओभरको अन्तिम बलमा कोस्मास किवुटा (१) र १२ औं ओभरको अन्तिम बलमा फ्रान्क सुबुगा (०) को रूपमा आयो । जुमा मियागीले २० बलमा १३ रन बनाएर ११ औं खेलाडीको रुपमा अविजित रहे । दोहोरो अंक पार गर्ने एकमात्र ब्याट्सम्यान मियागी थिए ।
वेस्ट इन्डिजका अकिल हुसेनले सर्वाधिक ५ विकेट लिए । यस क्रममा उनले ४ ओभरमा २.८० को इकोनोमीमा ११ रन खर्चे । यसबाहेक अल्जारी जोसेफले २ सफलता हात पारे । अल्जारीले ३ ओभरमा ६ रन मात्र खर्चे । रेस्ट रोमारियो शेफर्ड, आन्द्रे रसेल र गुदाकेश मोतीले १–१ विकेट लिए ।
