एजेन्सी । भारतीय टोलीले आज बुधबार आयरल्याण्डविरुद्ध खेल्दै टी–२० विश्वकपको यात्रा सुरु गर्दैछ । दुई टोलीबीचको यो खेल न्युयोर्कको नासाउ काउन्टी इन्टरनेशनल स्टेडियममा नेपाली समयानुसार राति सवा ८ बजे सुरु हुनेछ ।
कप्तान रोहित शर्माका लागि आयरल्यान्डविरुद्धको जित ठूलो व्यक्तिगत उपलब्धि हुनेछ किनभने यदि भारत यो खेल जित्न सफल भयो भने रोहित कप्तानको रूपमा टी–२० मा सबैभन्दा धेरै जित्ने कप्तान बन्नेछन् ।
रोहितको कप्तानीमा भारतले कुनै पनि आईसीसी ट्रफी जित्न सकेको छैन, तर रोहित महेन्द्र सिंह धोनीलाई पछाडि छोड्नबाट एक कदम टाढा छन्, जसले आफ्नो कप्तानीमा भारतलाई टी–२० विश्वकपको उपाधि दिलाए । रोहितले अहिलेसम्म ५४ टी–२० खेलमा भारतको कमाण्ड गरेका छन् जसमा टोलीले ४१ खेल जितेको छ भने १२ खेलमा हार बेहोरेको छ ।
अर्कोतर्फ धोनीले ७२ टी–२० खेलमा भारतको कप्तानी गरेका छन् भने ४१ खेल जितेका छन् भने २८ हारेका छन् । धोनी र रोहितले आफ्नो कप्तानीमा भारतका लागि खेलको सबैभन्दा छोटो ढाँचामा समान संख्यामा खेल जितेका छन् र यदि भारतले बुधबार जित्यो भने कप्तानको रूपमा रोहितको यो ४२ औँ जित हुनेछ र उनी धोनीलाई पछि पार्दै भारतका लागि टी–२० सबैभन्दा सफल कप्तान बन्नेछन् ।
