एजेन्सी । नामिबियाले टी–२० विश्वकप २०२४ को रोमाञ्चक खेलमा ओमानलाई पराजित गर्दै विजयी सुरुवात गरेको छ ।
यो खेलको नतिजाको छिनोफानो सुपर ओभरबाट भयो । सन् २०१२ पछि पहिलो पटक पुरुष टी–२० विश्वकपमा सुपर ओभर खेलिएको थियो ।
यसअघि टी–२० विश्वकपमा अन्तिम सुपर ओभर न्युजिल्यान्ड र वेस्ट इन्डिजबीच अक्टोबर १, २०१२ मा भएको थियो । यो खेल वेस्ट इन्डिजले जितेको थियो ।
बार्बाडोसको केन्सिङ्टन ओभलमा सोमबार भएको खेलमा नामिबियाले टस जितेर पहिले बलिङ गर्ने निर्णय गरेको थियो । पहिले ब्याटिङ गरेको ओमान १९.४ ओभरमा १०९ रनमा अलआउट भयो । जवाफमा नामिबियाले पनि २० ओभरमा ६ विकेट गुमाएर १०९ रन बनायो र खेल सुपर ओभरमा पुगेको थियो । नामिबियालाई जितका लागि अन्तिम ओभरमा ५ रन चाहिएको थियो तर मेहरान खानले मात्र ४ रन दिए ।
नामिबियाका लागि डेभिड विसेले अलराउन्ड प्रदर्शन गरे । उनले पहिलो सुपर ओभरमा कप्तान जेराड इरासमससँग ६ बलमा २१ रन बनाए । विसेले मात्र १० रन दिएर एक विकेट लिए । उनी खेलको प्लेयर अफ द म्याच पनि घोषित भए ।
