चितवन । भरतपुरमा एक स्कुल बसमा अज्ञात समूहले आगजनी गरेको छ ।
भरतपुर महानगरपालिका २० दद्रेनी नजिकै विद्यार्थी लिन गएको स्मल हेभन स्कुल कल्याणपुरको बागमती प्रदेश ०६ ००१ क ००४५ नम्बरको बसमा अज्ञात समूहले आगजनी गरेका जिल्ला प्रहरी कार्यालय चितवनले जनाएको छ ।
तीनवटा मोटरसाइकलमा आएका ६ जनाको समूहले बसमा पेट्रोल छर्किएर आगो लगाएर भागेका प्रहरीले जनाएको छ । बस पूर्ण रुपमा जलेर क्षति भएको छ ।
यसबारे थप अनुसन्धान भईरहेको प्रहरीले जनाएको छ ।
