काठमाडौं । त्रिभुवन अन्तर्राष्ट्रिय विमानस्थलबाट अबैध सुनसहित एक जना पक्राउ परेका छन् ।
काठमाडौं उपत्यका अपराध अनुसन्धान कार्यालयको टोलीले ५० ग्राम अवैध सुनसहित एक जनालाई पक्राउ गरेको हो ।
पक्राउ पर्नेमा धरान उपमहानरपालिका–५ घर भएका ३७ वर्षीय विजयकुमार लिम्बु रहेका छन् ।
लिम्बुले बिहीबार कतारबाट अवैध रुपमा ५० ग्राम सुन ल्याएका थिए । यसबारे आवश्यक अनुसन्धान तथा कारबाहीका लागि उनलाई विमानस्थल भन्सार कार्यालयमा बुझाइएको अपराध अनुसन्धान कार्यालयका एसपी रवीन्द्र रेग्मीले बताए ।
