काठमाडौं । गोंगबुस्थित एक होटलमा झुण्डिएको अवस्थामा युवतीको शव फेला परेको छ ।
मोरङको लेटाङ नगरपालिका-२ घर भइ हाल बाँसबारी बस्दै आएकी ३१ वर्षीया कल्पना भण्डारी झुण्डिएको अवस्थामा फेला परेकी हुन् ।
शुक्रबार होटलमा झुण्डिएको अवस्थामा भेटिएपछि उनलाई उद्धार गरेर त्रिवि शिक्षण अस्पताल महाराजगञ्जमा लगिएको तियो । अस्पताल पुर्याएपछि चिकित्सकहरुले मृत्यु भइसकेको घोषणा गरेका जिल्ला प्रहरी परिसर, काठमाडौंले जनाएको छ ।
भण्डारीको हत्या आरोपमा प्रहरीले चन्द्रागिरि नगरपालिका-१५ का ३२ वर्षीय अनित कार्कीलाई पक्राउ गरेको छ । उनीहरु दुबैजना होटलमा संगै बसेका थिए । मृतकको परिवारले कार्कीविरुद्ध आत्महत्या दुरुत्साहनको कसूरमा किटानी जाहेरी दिएपछि उनलाई पक्राउ गरिएको हो ।
लामो समयसम्म ढोका नखोलेपछि होटलका अन्य व्यक्तिलाई बोलाएको कार्कीले बयान दिएका छन् ।
प्रहरीले यसबारे थप अनुसन्धान गरिरहेको छ ।
