काठमाडौं । बुधबार नेप्से परिसूचक ३९.२३ अंकले घटेको छ । यो दिन १.६० प्रतिशतले घटेर २ हजार ४ सय १६ विन्दुमा झरेको हो । आज निरन्तर बजार घटेर बन्द भएको हो । यस दिन २ हजार ४४९.२३ विन्दुदेखि खुलेको बजार २ हजार ४५३.३७ विन्दुसम्म पुगेको थियो ।
यो दिन सेन्सेटिभ इन्डेक्स पनि १.६० प्रतिशतले घटेर ४ सय ३६.८० विन्दुमा झरेको छ। इन्डेक्स परिसूचक ७.१२ अंकले घटेको हो ।
बुधबार रू. ६ अर्ब २५ करोड ४८ लाख ९ हजार बराबरको १ करोड १३ लाख ९२ हजार १३५ कित्ता शेयर कारोबार भएको हो । यो कारोबार २१२ ओटा कम्पनीको ६३ हजार ६७४ पटकको व्यापारमा भएको हो ।
बुधबारको बजारबाट व्यापारिक र होटल्स तथा पर्यटन समूहले सबैभन्दा बढी कमाएका छन् । कारोबारमा आएका १३ वटा समूह मध्य यस दिन व्यापारिक समूहको सर्वाधिक ९.२६ प्रतिशत र होटल्स तथा पर्यटन समूहको १.६५ प्रतिशतले परिसूचक बढेको छ भने बाँकी समूहको घटेको छ ।
साल्ट ट्रेडिङ कर्पोरेशन र चन्द्रागिरी हिल्स लिमिटेडको शेयरमूल्य यो दिन १० प्रतिशतले बढेको छ भने हिमालयन पावर पार्टनरको शेयरमूल्य ८.१६ प्रतिशत बढेको छ । साल्ट ट्रेडिङ् कर्पोरेशनको शेयरमूल्य प्रतिकित्ता रू. ९२९ ले बढेर अन्तिम मूल्य रू. १० हजार २२२, चन्द्रागिरी हिल्सको प्रतिकित्ता रू. ५० ले बढेर अन्तिम मूल्य रू. ५५० र हिमालयन पावर पार्टनरको प्रतिकित्ता रू. ३२ ले बढेर अन्तिम मूल्य रू. ४२४ पुगेको हो ।
यसदिन एशियन लाईफ इन्स्योरेन्स र बरुण हाइड्रोपावर कम्पनीको शेयरमूल्य ६ प्रतिशतभन्दा बढीले घटेको छ । एशियन लाईफ इन्स्योरेन्सको ६.३६ प्रतिशत अर्थात् प्रतिकित्ता रू. ८१ ले घटेर अन्तिम मूल्य रू. १ हजार १९३ र बरुण हाइड्रोपावरको ६.०६ प्रतिशत अर्थात् प्रतिकित्ता रू. १४ ले घटेर अन्तिम मूल्य रू. २१७ कायम भएको छ ।
यसदिन सबैभन्दा बढी नेपाल दुरसञ्चार कम्पनीको शेयर कारोबार भएको छ । कम्पनीको रू. २९ करोड ९७ लाख ६ हजार बराबरको शेयर कारोबार भएको हो । कम्पनीले बुधबार नै गत वर्षको लागि प्रतिशेयर रू. ४० का दरले नगद लाभांश वितरणको प्रस्ताव सार्वजनिक गरेको थियो । बजार दोहोरो अंकले घटेको दिन कम्पनीको शेयरमूल्य पनि ५.७४ प्रतिशत अर्थात प्रतिकित्ता रू. ७३ ले घटेर अन्तिम मूल्य रू. १ हजार १९९ कायम भएको छ ।
