एजेन्सी । एक्शनले भरिपूर्ण फिल्म ‘फाइटर’ को फ्यानहरु उत्सुकताका साथ पर्खिरहेका छन् । ऋतिक रोशन र दीपिका पादुकोणलाई पर्दामा सँगै हेर्न आतुर फ्यानहरूले यो फिल्मको लागि पागलपन देखाएका छन् ।
चलचित्रको ट्रेलर सार्वजनिक भएको छ, जसलाई धेरैले रुचाएका छन् । यससँगै फिल्मका गीतहरूले पनि दर्शकको उत्साहलाई कायमै राखेका छन् । अब फ्यान फिल्म रिलिजको पर्खाइमा छन् ।
‘फाइटर’ सिद्धार्थ आनन्दद्वारा निर्देशित एक एरियल एक्सन फिल्म हो । फ्यानले पहिलो पटक दीपिका र ऋतिकको रोमान्स सिल्भर स्क्रिनमा हेर्न पाउनेछन् । यसका अलावा अनिल कपुर पनि महत्वपूर्ण भूमिकामा देखिनेछन् ।
फाइटर रिलिज हुन धेरै समय बाँकी नभएकाले चलचित्रको प्रचारप्रसारलाई तिब्रता दिइएको छ । निर्माताहरूले हरेक दिन कुनै न कुनै प्रमोशनल अपडेट सेयर गर्दै आएका छन् र अहिले फिल्मको सर्टिफिकेटको जानकारी आएको छ ।
फिल्म फाइटर २५ जनवरीमा रिलिज हुँदैछ । चलचित्रलाई सेन्सर बोर्डद्वारा यूए प्रमाणपत्र प्रदान गरिएको छ । अर्थात् हरेक उमेरका मानिसले यो चलचित्र हेर्न सक्छन् । यससँगै ‘फाइटर’ को रनटाइमको जानकारी पनि सार्वजनिक भएको छ । यो एरियल एक्सन फिल्म २ घण्टा ४६ मिनेट लामो हुनेछ ।
