एजेन्सी । कान्तिपुर टेलिभिजनले सम्पादकीय नेतृत्वमा हेरफेर गर्ने भएको छ । प्रधान सम्पादक दिलभुषण पाठकले पदबाट राजीनामाको घोषणा गरेसँगै कान्तिपुर व्यवस्थापनले नयाँ प्रधानसम्पादकको रूपमा विजय पौडेललाई ल्याउने तयारी गरेको छ ।
प्रधानसम्पादक पाठकले व्यवस्थापनबाट केही प्रतिबद्धता पूरा हुनेबित्तिकै राजीनामा बुझाउने बताएका छन् । पाठकले २०७८ भदौमा कान्तिपुर टिभीको प्रधान सम्पादकको जिम्मेवारी सम्हालेका थिए । सम्पादकको रूपमा पाठकको यो दोस्रो कार्यकाल हो ।
पाठकले ‘टफ टक’ टेलिभिजन कार्यक्रम चलाउँदै आएका थिए । यसअघि कान्तिपुर टिभीमै काम गरेका पौडेल प्रधान सम्पादकको जिम्मेवारीका रुपमा तीन–चार दिनमा काममा जाने बुझिएको छ ।
