एजेन्सी । शुक्रबारदेखि विश्वव्यापी रुपमा प्रदर्शनमा आएको रणवीर कपुर अभिनित फिल्म ‘एनिमल’ले बक्स अफिसमा राम्रो कमाई गरिरहेको छ ।
फिल्मलाई लिएर मिश्रित प्रतिक्रियाहरु आइरहेको भएपनि फिल्मको कमाईमा भने उछाल आइरहेको छ । ट्रेड एनालिस्ट तरण आदर्शका अनुसार फिल्मले ओपनिङ डे अर्थात् शुक्रबार ५४.७५ करोड, शनिबार ५८.३७ करोड र आइतबार ६३.४६ कलेक्शन गरेको छ । यो कमाई हिन्दी भर्सनमा मात्र रहेको छ ।
यस्तै, साउथ इन्डियन भाषामा फिल्मले शुक्रबार ९.०५, शनिबार ८.९० र आइतबार ७.२३ गरी २५.१८ करोडको कमाई गरेको छ । यसरी फिल्मले सबै भाषामा गरी तीन दिनमै २०१.७६ करोडको कमाई गरेको छ ।
एनिमलमा रणवीर कपूर बाहेक अनिल कपुर, बबी देओल र रश्मिका मन्दानाको पनि अभिनय रहेको छ । फिल्मलाई सन्दीप रेड्डी वांगाले निर्देशन गरेका छन् ।
