काठमाडौं । मिस युनिभर्स २०२३ को उपाधि निकारागुआकी शेनिस पालासियोसले जितेकी छिन् । पालासियोस ७२ औं मिस युनिभर्सको विजेता बनेकी हुन् ।
विश्वभरका सुन्दरीलाई पछि पार्दै पालासियोसले ताज आफ्नो नाममा गराएकी छिन् । मिस युनिभर्स २०२२ आर बोनीले शेनिसलाई मिस युनिभर्स २०२३ को ताज पहिराइन्। ताज लगाएपछि पलासियोस निकै भावुक देखिन्थिईन् ।
शेनिस पलासियोस मिस युनिभर्सको उपाधि जित्ने निकारागुआकी पहिलो महिला हुन् । त्यसैले ‘ब्युटी क्वीन’ को उपाधि जित्नु उनको लागि झनै अर्थपूर्ण छ । थाइल्याण्ड र अस्ट्रेलियाका सुन्दरीहरुले टप ३ मा आफ्नो स्थान बनाए । प्रतियोगितामा थाइल्याण्डकी एन्टोनिया पोर्सिल्ड फस्ट रनरअप भइन् भने अष्ट्रेलियाकी मोराया विल्सन सेकेन्ड रनरअप भइन् ।
यो वर्ष मिस युनिभर्समा नेपालको प्रतिनिधित्व जेन दीपिका ग्यारेटले गरेकी छिन् । उनले शीर्ष २० मा आफ्नो स्थान बनाइन् ।
