काठमाडौं । कोरोना सक्रमण तीब्र रुपमा फैलिएको छ । सरकारले अस्पतालमा उपचारका लागि स्थान उपलब्ध गराउन कठिनहुने जनाएको छ ।सक्रमणका लक्षण  देखिएकाहरु घरमा नै आईसोलेसमा बसेका छन् । घरमा नै आईसोलेसनमा बस्दा के-के कुरामा ध्यान दिनुपर्छ भन्दै जनस्वास्थ्य विज्ञ डा .रवीन्द्र पाण्डेले सुझाब दिनुभएको छ ।  

१) थर्ममिटरबाट तापक्रम नापिरहनुहोला । ९८ – ९९ फरेनहाइटसम्म व्यक्ति अनुसार नर्मल तापक्रम हो १०० पुग्यो भने पारासिटामोल खानुहोला , शरीर दुखेमा र टाउको दुखेमा पनि पारासिटामोल खान सकिन्छ ।

२) पल्स अक्सिमिटरबाट अक्सिजनको स्तर नापिरहनुहोला  यदि ९४ भन्दा तल गयो भने घोप्टो परेर सुत्नुहोला यसलाई प्रोन पोजिसन भनिन्छ, पेटमा २ वटा सिरानी, टाउकोमा एउटा सिरानी र खुट्टाको गोलिगाँठानेर एउटा सिरानी राखेर पेटको बलमा सुत्नुहोला ्, यसले फोक्सोको क्षमता बढाउछ ्, यसलाई प्राकृतिक भेन्टिलेटर पनि भनिन्छ I

३) भिटामिन सी २ पटक, जिंक २ पटक, भिटामिन डी हप्ताको १ पटक खानुहोला , आबश्यकता अनुसार पारासिटामोल, कफ सिरप र ट्याब्लेट खान सकिन्छ I

४) अक्सिजनको मात्रा ९४ भन्दा कम भएमा, ज्वरो आइरहेमा वा खोकी लागिरहेमा, सास फेर्न गाह्रो भएमा वा अन्य गाह्रो भएमा घरमा नबस्नुहोला , यो नयाँ भेरिएन्टले अचानक कोभिड निमोनिया गराउँछ  तसर्थ नजिकको कोभिड अस्पतालमा गएर चिकित्सकसंग जांच गराउनुहोला ् छातीको एक्स रे वा सिटि स्क्यान गरेर फोक्सोको अवस्था अनुसार चिकित्सकको सिफारिसमा औषधि (एन्टिभाइरल र एन्टिबायोटिक) खानुपर्ने हुन्छ ,कोभिड निमोनिया भएमा अस्पताल भर्ना हुनुपर्छ I

५) जांच नगरी घरमा अक्सिजन दिएर नबस्नुहोला ,अक्सिजनले रोग निको गर्दैन , चिकित्सकको सिफारिस अनुसारको औषधिले मात्र निमोनिया वा अन्य अवस्था ठिक हुन्छ ,अक्सिजन उपचार हैन I धेरै व्यक्तिले घरमै अक्सिजन दिएर फोक्सो ड्यामेज भएको अवस्था पनि छ I

६) एक रातमै अवस्था क्रिटिकल हुनसक्छ , तसर्थ गाह्रो भएमा भोलि अस्पताल जान्छु नभन्नुहोला , अस्पताल प्याक भएपनि त्यहाँ तपाइंले कुनै न कुनै उपचार पाउनुहुन्छ I

७) अप्रमाणित औषधि सेवन गरेर वा अन्य संक्रमितलाई निको भएको औषधि खाएर समय एबम स्वास्थ्य नष्ट नगर्नुहोला, प्रतिरोध क्षमता रातारात वृद्धि हुँदैन , यो लामो प्रक्रियाबाट मात्र वृद्धि हुन्छ I

८) मरिच, बेसार,अदुवा, ज्वानो, दालचिनी, तुलसी, गुर्जो, जेठिमधु, पिपला, कागतीको रस राखेको चिया पटकपटक खानुहोला I

९)घरमा एकजना संक्रमित भएमा सबैको परीक्षण गराउनुहोला ,यसपटकको प्रजाति निकै संक्रामक छ I

१०) घरको खानाको अतिरिक्त फलफूल, दुध, गेडागुडी, अण्डा, सुप आदि प्रशस्त खानुहोला I

११) पानीको बाफ लिंदा आराम हुन्छ I

१२)रक्सी, चुरोट तथा धेरै गुलियो पदार्थ र कोल्ड ड्रिंक्स सेवन नगर्नुहोला I

१३) हल्का ब्यायाम, पर्याप्त निद्रा तथा बिहान घाम ताप्ने गर्नुहोला I

१४) आफ्नो मानसिक अवस्थालाई सुदृढ एबम सबल राखुहोला नआत्तिनुहोला I

१५)दिनमा १ र २ पटक मात्र समाचार हेर्नुहोला, सामाजिक संजाल नहेर्नुहोला, अनधिकृत समाचारले तनाव बढाउँछ I

१६) गाह्रो भएमा १०२ नम्बरमा फोन गरेर एम्बुलेन्स मगाउनुहोला , त्यस्तै गाह्रो भएमा कोभिड हटलाइन ११३३,९८५१२५५४३८/९८५१२५५८३७ मा फोन गरेर उपचारको जानकारी लिनुहोला I