काठमाडौं। राष्ट्रिय क्रिकेट टोलिका कप्तान रोहित पौडेलले अब पूर्वाधारमा लगानी गर्नुपर्ने बताएका छन् ।
एसिया कप खेलेर स्वदेश फर्किएपछि बुधबार सञ्चारकर्मीहरुसँग बोल्दै रोहितले सरकारले पूर्वाधारमा लगानी गर्नु बाहेकको अन्य बिकल्प नरहेको बताएका हुन्।
उनले देशमा डोमेस्टिक स्ट्रक्चर नभएको गुनासो गर्दै भने, ‘अब चाहिँ हाई टाइम भइ सक्यो, इन्फ्रास्ट्रक्चरमा इन्भेस्ट गर्नुपर्छ। जहिल्यै पनि ती कुराहरुमा संघर्ष गरिरहेका हुन्थ्यौँ हामी। एउटै विकेट छ त्यसैमा सबै जनाले तयारी गरिरहनु परेको छ। डोमेस्टिक स्ट्रक्चर छैन केही पनि। प्रत्येक प्रदेशमा ग्राउन्ड खासगरी पिचहरु भयो भने तयारी गर्न सकिन्छ । ’
