काठमाडौं । ह्याप्पी ड्रेसिङ रुममा नेपाली खेलाडीहरुलाई भारतीय खेलाडी र प्रशिक्षकले मेडल लगाईदिएका दिएका छन् । सोमबार भएको एसिया कपअन्तर्गत नेपाल र भारतको खेलमा उत्कृष्ट प्रदर्शन गर्ने नेपाली खेलाडीहरुलाई मेडल प्रधान गरेको हो ।
हिजोको खेल वर्षाले प्रभावित हुदा नेपाल भारतसँग डकवर्थ लेविस(डिएलए) पद्धतिको आधारमा १० विकेटले पराजित भएको थियो । नेपाली टीमका प्रमुख प्रशिक्षक मोन्टी देसाईले खेलमा हार जित जे भएपनि उत्कृष्ट प्रदर्शन गर्नेलाई ह्याप्पी ड्रेसिङ रुममा मेडल प्रधान गर्दै आएका छन् । हारको बेलामा पनि उनीहरुलाई हौसला प्रधान गर्न उत्कृष्ट खेलाडिलाई मेडल प्रधान गर्दै आएको छ ।
हिजो खेलमा उत्कृष्ट प्रदर्शन गरेका नेपाली खेलाडिलाई भारतका खेलाडी र प्रशिक्षकबिच मेडल प्रधान गरिएको थियो । सोमपाल कामिलाई भारतका अलराउण्डर हार्दिक पाड्याले मेडल लगाईदिएका थिए । उनले ५६ बलमा १ चौका र २ छक्कासहित ४८ रनको महत्वपूर्ण योगदान दिएका थिए । यस्र्तै अर्धशतक बनाएका ओपनर आसिफ शेखलाई विराट कोहलीले मेडल लगाईदिए । उनले ९७ बलमा ८ चौकासहित सर्वाधिक ५८ रनको योगदान दिएका थिए ।
त्यसैगरी, फिल्डिङमा उत्कृष्ट प्रदर्शन गरेका दिपेन्द्र सिंह ऐरीलाई भारतीय प्रशिक्षक राहुल द्रविणले मेडल प्रधान गरे । ३१.५ ओभरमा १४४–६ को अवस्थामा पुगेको नेपाललाई सातौं विकेटका लागि सोमपाल कामी र दीपेन्द्रसिंह ऐरीले ५० रनको साझेदारी गर्दै २ सय रनको आंकडा पार गराएका थिए ।
एसिया कपमा समूह ए बाट पाकिस्तान शीर्ष र भारत दोस्रो स्थानमा रहँदै सुपर फोरमा पुगेका छन् । नेपाल भने जित विहीन हुँदै बाहिरिएको छ ।
नेपालले अव सेप्टेम्बर अन्तिममा चीनमा गएर १९ औं एसियाली खेलकुद र नोभेम्बर पहिलो साता घरेलु मैदानमा टि–२० विश्वकप छनोट एसिया खेल्दैछ ।
