काठमाडौँ । एसिया कप क्रिकेट प्रतियोगितामा भारतविरुद्ध नेपालले दोस्रोे विकेट गुमाएको छ ।
पालेकेले इन्टरनेशनल क्रिकेट स्टेडियममा टस हारेर पहिला ब्याटिङ गरिरहेको नेपालले दोस्रोे विकेटमा भिम सार्कीलाई गुमाएको हो । उनी १५ ओभरको अन्तिम बलमा ७ रन बनाउदै रविन्द्र जडेजाको बलबाट आउट हुन पुगे ।
नेपालले यसअघि ओपनर कुशल भुर्तेललाई गुमाएको थियो । भुर्तेल तीन चौका र दुई छक्का प्रहार गर्दै ३८ रन बनाएर आउट भएका थिए ।
अहिले क्रिजमा आसिफ शेख र कप्तान रोहित पौडेल रहेका छन् । ताजा स्थितीमा नेपालले १७ ओभरमा २ विकेट गुमाएर ८५ रन बनाएको छ ।
