काठमाडौं । बेइजिङबाट स्वास्थ्य सामाग्री लिएर उडेको नेपाल एयरलाइन्सको विमान काठमाडौं अवतरण गरेको छ । मंगलबार वायुसेवा निगमको ए३३० कलसाइनको वाइडबडी विमान त्रिभुवन अन्तर्राष्ट्रिय विमानस्थलमा अवतरण गरेको हो ।
वायुसेवा निगमका प्रबन्ध निर्देशक डिमप्रकाश पौडेलका अनुसार जहाजले २० हजार थानमध्ये ४०० थान अक्सिजन सिलिन्डर, १६० थान अक्सिजन कन्सनटेटर र १० थान भेन्टिलेटरसहित ३० टन सामाग्री लिएर काठमाडौं आइपुगेको हो । बाँकी स्वास्थ्य सामाग्री तयारी हुनासाथ तुरुन्तै ल्याउनको लागि निगमलाई तयारी अवस्थामा राखेको पौडेलले बताए ।
४ जना पाईलट सहित चालक दलका १४ जना सदस्यहरू, उडानमा संलग्न ग्राउण्ड स्टाफहरू, बेइजिङ स्थित नेपाली दूतावासका कर्मचारीहरू, परराष्ट्र मन्त्रालय, प्रधानमन्त्री कार्यालय, संस्कृति पर्यटन तथा नागरिक उड्डयन मन्त्रालय सबै सबैमा धन्यवाद ज्ञापन गरेको छ।
