काठमाडौं । नेपाल उद्योग वाणिज्य महासंघको पदाधिकारी र सम्वद्ध अधिकारीको बैठकले कोभिड १९ सहायता केन्द्र संचालनमा ल्याएको छ । महासंघका वरिष्ठ उपाध्यक्ष चन्द्र प्रसाद ढकालले उक्त केन्द्रको समन्वय गर्ने भएका हुन् ।
सहायता केन्द्रबाट सेवा लिन महासंघ सचिवालयका सम्पर्क अधिकृतद्धय हरि पौड्याल (९८०१०९६८१२) र रिंकु घिमिरे (९८०११९२५९१) लाई टेलिफोन वा एसएमएस मार्फत सम्पर्क गरि आफूलाई आवश्यक सेवा टिपाउन सकिने भएको छ ।
कोभिड १९ सहायता केन्द्रलाई प्रभावकारी रूपमा अगाडि बढाउन जिम्मेवारी बाँडफाँट समेत गरिएको महासंले जनाएको छ ।
सहायता केन्द्रमा तोकिएको जिम्मेवारी अनुसार सदस्यहरूले महासंघका सदस्य, उद्यमी व्यवसायी एवं सर्वसाधारणको माग अनुसार सेवा प्रवाह गर्न सहजीकरण र समन्वयका लागि सम्बन्धित निकायसंग पहल गर्ने भएका छन् ।
समस्यामा परेका, कोरोना उपचारमा सहजीकरण र समन्वय खोजीरहेका निकै धेरै मानिसलाई स्वास्थ्य सहायता केन्द्रका तर्फबाट निरन्तर सहयोग एवं समन्वय हुने महासंघको भनाइ छ । यसअघि महासंघले हेल्लो डाक्टर संचालनमा ल्याई कोभिड संक्रमणमा परेकालाई डाक्टरहरूबाट स्वास्थ्य परमर्श दिइरहेको छ ।
