काठमाडौं । गण्डकी प्रदेशमा मुख्यमन्त्रीका लागि दावी पेस गरेका विपक्षी गठवन्धन नेपाली कांग्रेसका कृष्ण चन्द्र नेपाली पोखरेलले बहुमत पुष्टि गर्न नसकेपछि ठूलो दलको हैसियतमा एमालेकै सरकार बन्ने भएको छ ।
प्रदेश प्रमुखको कार्यालयमा एमाले संसदीय दलका नेता पृथ्वीसुब्बा गुरुङलाई सपथ ग्रहण गराउने तयारी छ । सपथग्रहणका लागि गुरुङ प्रदेश प्रमुखको कार्यालयमाा पुगिसकेका छन् । संविधानको धारा १६८ (३) अनुसार पृथ्वीसुब्बा गुरुङ फेरि मुख्यमन्त्री नियुक्त हुन लागेका हुन् ।
बुधवार अपरान्ह ४ बजेसम्मको समय भित्र कांग्रेस, माओवादी, जसपा र राष्ट्रिय जनमोर्चाको समर्थन रहेको पत्र लिएर पोखरेल प्रदेश प्रमुखको कार्यालयमा पुगेका थिए ।
यता जनमोर्चा संसदीय दलका नेता कृष्ण थापा र सांसद खिमविक्रम शाहीले आफू तटस्थ रहेको भन्दै पत्र पेश गरेपछि गण्डकीमा राजनीतिले नयाँ मोड लिन पुगेको थियो ।
यो पनिः गण्डकीमा जनमोर्चाका शाही पनि तटस्थ, गुरुङ नै मुख्यमन्त्री !
प्रदेश प्रमुखलाई जनमोर्चा सांसद थापाको पत्र, 'म कुनै गठबन्धनमा नलागि तटस्थ रहेको छु'
