काठमाडौँ । संसदको अवरोध खुलाउने विषयमा तीन दलका शीर्ष नेताहरुबिच भएको छलफल सकिएको छ ।
आज सिंहदरबारमा संसद् अवरोध हटाउन प्रधानमन्त्री पुष्पकमल दाहाल ‘प्रचण्ड’, कांग्रेस सभापति शेरबहादुर देउवा र प्रमुख प्रतिपक्षी दलका नेता केपी शर्मा ओलीबीच छलफल भएको थियो।
प्रधानमन्त्री प्रचण्डले आफ्नो अभिव्यक्ति सच्याउने र सचिवालयको तर्फबाट जारी गरिएको प्रेस नोटप्रति दु:ख व्यक्त गर्ने सहमतिपछि एमाले सदन खुलाउन तयार भएको हो ।
बैठकपछि सञ्चारकर्मीहरुले साधेका ‘बैठकमा के भयो? ‘भन्ने प्रश्नमा ओलीले भने, ‘पार्लियामेन्टमा थाहा हुन्छ।’ भनेर जवाफ दिए । प्रतिनिधिसभाको बैठक सोमबार नै दिउँसो ३ बजेका लागि बोलाइएको छ ।
प्रमुख दलका शीर्ष नेताहरूबीच आइतबार पनि छलफल भएको थियो। यद्यपि आइतबारको समझदारी केही घण्टामै भाँडिएको थियो ।
प्रधानमन्त्री प्रचण्डले आफूलाई प्रधानमन्त्री बनाउन सरदार प्रितम सिंह पटक–पटक दिल्ली गएको भनेर अभिव्यक्ति दिएपछि प्रधानमन्त्रीको राजीनामाको अडान राख्दै एमालेले संघीय संसदका दुवै सदन अवरुद्ध गर्दै आएको छ ।
