काठमाडौं । संघीय मामिला तथा सामान्य प्रशासनमन्त्री अमन लाल मोदी स्वदेश फर्किनुभएको छ । दक्षिण कोरियाको बुसान सहरमा आयोजित विश्वका मन्त्रीस्तरीय ग्रामीण विकास सम्बन्धी सम्मेलनमा सहभागी भई मन्त्री मोदी गएराति स्वदेश फर्कनुभएको हो ।
मन्त्री मोदी असार १८ गते दक्षिण कोरिया प्रस्थान गर्नुभएको थियो । दक्षिण कोरियामा रहँदा मन्त्री मोदीले ग्रामीण विकाससम्बन्धी सम्मेलनलाई सम्बोधन गर्नुका साथै दक्षिण कोरिया सरकारका प्रतिनिधिहरुसँग भेटवार्ता गर्नुभएको थियो ।
संयुक्त राष्ट्र संघका पूर्वमहासचिवलाई नेपाली ढाका टोपी लगाई मन्त्री मोदीले आँखी झ्यालसमेत उपहार दिनुर्भको थियो । उनले नेपाली जनप्रगतीशील मञ्च दक्षिण कोरियाले आयोजना गरेको अन्तरक्रियालाई समेत सम्बोधन गर्नुभएको थियो ।
